«مقدرش أعيش من غيرك» مش حُب ولا رومانسية

عمري ما حسيت باي نوع من الحُب أو الرومانسية في جملة:

« مقدرش أعيش من غيرك ».

بالعكس دي جملة مليانة ضعف و خوف.

لأن الوضع السوي و الطبيعي في أي علاقة أني أكون قادر أعيش من غيرك و حياتي ماشية،

بس اخترت بكامل إرادتي انك تعيش معي و تشاركني حياتي.

الجملة دي تبان بسيطة، لكنها دليل قوي أن العلاقة، مش صحية..

خلينا نفهم ليه الجملة دي بتضعف العلاقة بدل ما تقويها من ٣ زوايا:

١. الحب اختيار مش اضطرار ⚖️

لما تقول "مقدرش"، أنت بتلغي إرادتك و بتحول الحب لـ احتياج.

الحب الحقيقي معناه إنك تكون قوي، و مكتفي بنفسك، و مع ذلك بتختار بكامل حريتك إن الشخص ده يشاركك رحلتك.

٢. الحب استقرار مش قلة حيلة ⚓

لو وجودك في العلاقة مبني على إنك مضطر ومعندكش بديل،

ده معناه إنك ممكن تمشي أول ما تبقى أقوى أو تلاقي بديل!

الاستقرار و الأمان الحقيقي بيتحقق لما تكون قادر تستغنى، بس حابب تفضل.

٣. الحب مشاركة مش تبني 🤝

الإحساس بإنك ضعيف و ماتقدرش تعيش من غير التاني، بيخليك تخاف تقول رأيك أو تعترض عشان ميبعدش عنك.

وهنا أنت بتتحول لـ عالة أو مجرد تابع، بدل ما تكون شريك حقيقي حاضر بكيانه و شخصيته.

لو حابب تبني علاقة سوية بجد

(سواء كانت علاقة عاطفية، صداقة، أو حتى أسلوب تربية مع ولادك)..

لازم تكون قادر تعيش من غير الطرف التاني، و تسمح له و تساعده انه يقدر يعيش من غيرك..

عشان لما نختار بعض و احنا أقوياء و حياتنا مش متوقفة على بعض،

هنختار بعض بإرادة حرة، مش بدافع الاحتياج و الخوف.

و وقتها بس هتكون العلاقة داعمة، مريحة، و فيها مشاركة حقيقية. مش مجرد علاقة "تبني" للطرف الأضعف.

خلي بالك من كلامك يا صديقي، علشان كلامك بيتحق.

و بعد كدة بلاش تقول لحد

"مقدرش أعيش من غيرك"..

قول:

"مش عايز أعيش من غيرك".

دلوقتي دورك

فكر و شاركنا في التعليقات:

ايه هي الجملة الـ بنقولها كتير و تبان حب؛ لكن هي في الحقيقة مش حب؟